परिस्थिती

By Mahadev Virbhadreshwar Kumbhar

मी चालत होतो वाटेवरूनी

पावलांना ठेच लागली

मनाने ही उत्तर दिले पुढे बघ वाटेवरी

पुढे बघताच अंधूक सारे दिसू लागले

तोंड ही विचारू लागले योग्य वाट कोणती बरे

लोकांनी उत्तर दिले वाट तुझी तूच शोध बरे

डोळ्यांनी शोधुनी वाट काढली पावलांनी झेप घेतली त्या वाटेवरी

वाट सारी काट्याने भरलेली सहन मात्र पावलांनी केलेली

पावले पुढे चालत राहीली

डोळ्यातून मात्र अश्रु खाली गळत राहिले

त्या अश्रूंची किंमत फक्त डोळ्यांना च माहिती

विरह काय असतो फक्त त्या अश्रुंनाच माहिती

वेगळे झाले अश्रु त्या डोळ्यांपासूनी

सहारा मिळाला त्यांना त्या हातांपासूनी

हातांनी त्यांना अलगद पणे झेलून घेतले

परिस्थिती समजावून सांगून पुसून टाकले

अश्रूंनी ती परिस्थिती समजून घेतली

आणि स्वतःचे अस्तित्व मिटवून टाकले

By Mahadev Virbhadreshwar Kumbhar