Ek Kamra Jo Ghar Nahi Ho Sakta

By Sanjana Kale

Ek maand hawa ka jhoka tha,

Main tumhe dekh kar ruk gaya tha.

Chal raha tha main chaar deewarein le kar,

Unmein se ek deewar par ek darwaza tha

Jo sirf baahar se khulta tha.

Tum khidki se jhaank rahe the andar,

Mujhse baatein kar rahe the,

Jaise hum ek doosre ko pehle se jaanein.

Mil rahe the tum mujhse usi khidki ke zariye.

Par maine woh darwaza khol diya

Tumhe apna ghar dikhane ke liye.

Woh ghar, jo aksar tooti hui cheezon se bana tha.

Jis ghar mein koi aaina nahi tha,

Ek kursi thi jo awaz karti thi,

Ek tasveer thi jismein sirf kaala rang tha,

Ek meja thi jismein kai saari kitaabein thi.

Phir tumhe laga,

"Khidki kis kaam ki?"

Aur tumne woh chaar deewari tod di,

Mujhe us ghar se baahar nikaal diya.

Par main usi khidki se dekhi hui

Guzri hui yaadon ko dhoondta raha.

Tumne ek din kaha:

"Ek darwaza hai, main use har din khatkhaata hoon,

Par koi kholta nahi."

Mera pagal dil sochne laga

"Shayad yeh mera hi ghar hai."

Main ek din chala gaya,

Khidki band ki,

Darwaza khola

To paaya, tumhe ek alag darwaze ke baahar,

uski ek alag manzil thi.

Na koi khidki thi,

Na koi jagah us ghar mein tumhare liye thi.

Phir ek hawa ka jhoka aaya,

Jismein hum dono ruk gaye the,

Par is baar mera darwaza khula tha

Aur tumne mujhe kabhi apna ghar dikhaya hi nahi tha.

Phir ek aisa din aaya

Jab maine har woh khidki khol di

Jiska naam "dosti" tha.

Par der ho chuki thi yeh samajhne mein

Ki woh khidkiyaan bhi

Sirf tumhare samaan rakhne ka thikaana thi.

By Sanjana Kale