अस्तित्वाची हजार नावे

By Ashwini Gayake Mozar

आकाशाच्या छत्रीखाली भिजताना

रणामधील उन्हात भावनांना कुरवळताना,

या हसण्याचे कारण उमगेल का

खरंच याला हसणे म्हणवेल का ?

शब्दांचे हे वळसे झेलताना

प्रश्नांचे एकसंधसे तुकडे जोडताना,

आशेची ज्योत गवसेल का

याला आशावादी असणं म्हणवेल का ?

तुफानातील होड्या सावरताना

मनातील अबलख घोडे नाचताना,

घोड्यांना लगाम मिळेल का

या लगामाने हे सावरेल अस म्हणवेल का ?

प्रवास खडतर चालताना

वाट आंधळी ओलांडताना,

शब्दांची काठी हाती लागेल का

या अस्तित्वाची हजार नावे अस म्हणवेल का ?

By Ashwini Gayake Mozar