जीवन - एक झुंज

By Ashwini Gayake Mozar

मोत्याने अपेक्षा केली का कधी,

शिंपल्या कडून आधाराची ?

ना किनाऱ्याने तमा बाळगली

कधी समुद्राच्या पाण्याची !

कधी वाऱ्याने संगत धरली का

रिमझिमनाऱ्या सरींची ?

ना जमिनीने कधी प्रतीक्षा केली

आभाळाच्या अथांग सावलीची !

इतिहास वाट पाहतो का कधी

अवर्णनीय कथेची ?

जीवनरुपी रणामधे ही फुटते

हळवी पालवी भावनांची !

अशीच झुंज आहे ही

आपल्या स्वतःच्याच जीवनाची,

स्वतः एकट्यानेच लढून

असते ती जिंकायची !

By Ashwini Gayake Mozar